Xuegu // FUNDIR LA FLOTA

¿Sabéis xugar a esti xuegu? Ye bien fácil y solo necesitáis ser 2 persones.

Pa xugar a Fundir la flota solo tenéis que imprimir dos fiches como la que vos ponemos. Una pa caún de los xugaores.

Llueu con un llápiz podéis dir poniendo en los cuadradinos de abaxo la lletra y´l númberu que-y corresponde al barcu. 

Cuando los dos tengáis los barcos entamáis por turnos a intentar adivinar onde ta´l barcu del contrincante. A2? H7? Si coincide que nesi cuadráu hai barcu tenéis que decir "tocáu" o dir dibuxando´el barcu del contrariu. Si vos funden un barcu tenéis que dicir "hundíu". Gana´l que funda tolos barcos del contrincante.

Alcordáivos, si lo faceis con llapiceru podéis borralo pa reutilizalo más de una vegada o podemos facer como en clase.

Metemos el foliu nun portafolios transparente y dibuxamos/escribimos con rotulador, que podemos borrar lluéu.

¿Qué ye lo que más nos presta?

Bones!!

Nel antroxu ficimos esta actividá pa cuntar en clas de qué nos disfracemos. Pues agora vamos facer lo memos pero cambiando de temática.

¿Qué ye lo que más nos presta de tar en casa? o ¿Qué ye lo que más nos presta del colexu? o ¿de salir de casa? ¿un hobie? Lo que más vos preste.

Ya sabéis como iba, dibuxamos eso que más nos preste, coloreámoslo y debaxo escribimos lo que ye.

Alcordáivos que nel apartáu Repasu tenéis normes ortográfiques que igual vos puen servir y tamién tenéis l´enllaz al diccionariu de l´ALLA.

Esti recursu saquémoslu de Proferecursos y camudemos-y les instrucciones pa que tuvieran n´asturiano.

L'arcu la vieya

¡Bonos díes!

Dende'l blog queremos sumanos a la iniciativa del arcu la vieya. Amás sírvenos pa repasar algunos colorinos.

1,2,3 en familia

¿Y si xugamos en familia al 1,2,3? De xuru qu´en casa saben qu´el 1,2,3 yera un concursu de la tele.

Dexámosvos equí una serie de nomes de... que podéis usar.

Diptongos e hiatos

Tipos de pallabres

El cuélebre

Bonos díes o bones tardes!

Los de quintu y sextu nun dibéis quedar sin facer dalgo de mitoloxía asina que equí tenéis la vuestra xera sobre mitoloxía.

Busca-y un CUÉLEBRE, dibuxáilu (calcailu...) coloreaislu y lluéu restoliais na rede coses sobre él. Pue ocupavos el dibuxu una cara un foliu entera y la información escribisla per detrás o que vos ocupe media cara ca cosa. 

Xeres d´apostrofación

Como vos dixe na entrada de les contracciones vamos repasar estes dos coses sobre too.

A continuación tenéis les oraciones pa completar.

1. Mirando poles fiches del apóstrofu completa les siguientes oraciones.

a) La neña nun _______ alcordó de los deberes.             i) ¡Son _____ demoniu!

b) ¿A ti nun _____ fala Toño?                                           k) Mira _____ esperteyu.

c) Nun glayes, que yá _____ oyí.     l) ___ ambulancia pasa per delantre ____ ilesia.

d) Diz que nun _____ atopó en parque.       m) Diz que ___ fia vien _____ quedase.

e) Siempre ____ fala d´ella.         n) Díxome que ____ abadesa nun va ____ Avilés.

f) ¡Cuánto _____ preocupa Sudo pol fíu!                           ñ) Come ____ pan.

g) Blinca ____ perru.                                                          o) Sabe ___ problema.

h) Falaba _____ indiu.                                                        p) Vien ____ martes.

Xeres de contracciones

Hola!!

Les xeres que vamos facer son de repasu y sobre too vamos repasar contracciones y l´apostrofu porque ye onde más fallos atopamos.
Copia-ylo curioso nun foliu y ¡copia-y tola oración! que vos conozco jeje.

a) Pasó _________ nueche suañando ________ viaxe que diba facer.

b) Tienes ______ manes ______ perres que me queden.

c) ______ llegada del iviernu, xelaron ______ charcos.

d) Arréglome ____ que llevo na mochila, ______ demás sóbrame.

e) Buscólu ______ parque y ______ biblioteca, pero taba ______ güelos.

f) Neptunu vive ______ más fondo la mar.

g) Toi xugando ____ perru.

h) Ayeri vite ____ fonte.

i) ¿Gastaron _____ euros?

L´apostrofación

Contracciones

Pronomes demostrativos

Güei vamos completar oraciones con estos pronomes.

Dicimos esti, esta, estos, estes cuando nos referimos a una cosa que tenemos cerca.

Dicimos esi, esa, esos, eses cuando nos referimos a una cosa que ta cerca de la persona cola que falamos.

Dicimos aquel, aquella quellos, aquelles cuando nos referimos a una cosa que nun ta cerca denosotros nin de la persona cola que falamos.

a) _______ peonza mía y _____ yoyó tuyu comprémoslos ________ quioscu.

b) _________ cases y _______ otres d´enfrente son d´_________ señores de Mieres.

c) A mi gústame ________ llibru y a ti _______ otru, pera a ninguna nos gusta ______.

d) Per _____ camín o per _____ sienda d´ehí llégase a ______ pueblos d´allalantrones.

Los artículos determinaos

Los artículos determinaos úsense pa referinos a nomes comunes conocíos y son el, la, los, les.

Con esta referencia estos son los exercicios de güei.

¿Aguda, llana o esdrúxula?

¿Alcordáisvos de cómo se acentuaben les pallabres? Ye lo mesmo qu´en castellanu asina que vamos facer el siguiente exercicíu.

La Xana

Bonos díes!! Güei vamos restoliar na rede sobre la Xana ¿viste que guapa ye?

Tienes qu´imprimir el dibuxu, calcalu o ¿por qué non? Dibuxar tu una Xana que seya tovía más guapa qu´esta. Llueu pintámosla y ponemos-y´l nome.

Cuando busquemos la información escribímoslo per detrás.

El Trasgu

Güei toca restoliar na rede. ¿Sabes quién ye? Imprime el dibuxu o cálcalu. Lluéu coloréalu y pon enriba d´él el so nome. 

¿Y si buscamos un poco información sobre él? Seguro que n´internet topes algo d´él. Escribelo per detras.

Partes del cuerpu

Bones!! ¿Alcordáivos de les partes del cuerpu? ¡Vamos repasales!

Podemos imprimir los dibuxos o calcalos o meyor aún!! Facer el to propiu moñecu d´una neña o un neñu y colorealu.

Dempués, cuando fines de colorear vamos pone-y unes flechines y tenemos que escribir les siguientes partes:

TIESTA  GÜEYOS  ÑARIZ  OREYES  PAPOS  PIERNA  BRAZU  DEU  BANDUYU 

Entamamos

Bono, pues ya qu´el coronavirus tá equí vamos entamar a rellenar esti blog.

Nel vais atopar xuegos, enllaces a vídeos y música... y dalgunes tarees bien sencielles pa facer durante estos díes.

Na mandrecha la páxina vais topar enllaces de interés como´l diccionariu de la Academia de la Llingua.

Un saludu!!